Ral leh chhiatna hrang hrang laka mahni nunna thapa, mahni mihring puite chhanhimna kawnga thawk tha, huaisen lawmman dawng thei tur leh phu nia inhria te tan ram puma huaisen lawmman sang pawl Ashok Chakra, Kirti Chakra leh Shaurya Chakra te ngaihven theih a ni a. Hemi chungchanga hriattirna hi sorkar laipui hnuaia Ministry of Home Affairs chuan state hrang hrang hnenah hriattirna a ti chhuak mek a ni.

Heng  huaisenna lawmman te hi sipai te bakah civil mi te, Police te, Paramilitary sipai te leh Railway Police te tan pawh ngaihven thei a ni.

Mizoram sorkar Home Department Under Secretary hnenah 15^th April, 2015 ral hma ngeiin dilna leh lehkha pawimawh tul dang thehluh theih a ni.