Mizoram State Health Society (TB Control) buatsaih, ni hnih chhung awh tur Sensitization Workshop on RNTCP & ACSM Activities for Mass Education & Media Staff Under H&FW chu nimin March ni 17 chawhma dar 10:00 khan neih niin vawiin hian zawh fel a ni.

He Sensitization Workshop hi Health Department hnuaia Mass Media Staff te tana buatsaih a ni a. Workshop hi Dr. Vanlalhruaii State TB Officer in a kaihruaiin Dr.K.Ropari Principal Director, H&FW chu khuallian a ni. 

Dr. K.Ropari chuan MEM Staff-a hna hrang hrang chelhtute chu an mawhphurhna hlenchhuah kawngah taima leh zual turin a fuih a. Hriselna kawnga thawktu nihna inhria a. Theihtawpa tan la turin a chah bawk.

Dr.Vanlalhruaii pawhin MEM Staff te tana Sensitization Workshop buatsaih a nihna chhante sawiin Mass Education & Media Staff te chu mipuite hnena Health Department hmalakna puangzartu leh thehdarhtu pawimawh tak an nih thu a sawi.  Midangte hnena zirtirna pek kawngah mawhphurhna sang tak an neih avangin Health Department Programme hrang hrangte pawh chipchiar taka an hriat a tul thu te a tarlang a. TB chungchang-ah pawh mipuite hnena zirtirna pe thei tura an hriatna tuai hriam anih theih nan he hun hi buatsaih sak an nih thu a sawi.

He Workshop nikhatna ah khan Dr. Vanzarliana, MO, State TB Control Society leh Dr. Zosangliani, Asst. Programme Officer ten TB chungchang zirtirna pe in Staff ten Test an nei a. Vawiin a nihnihna ah IDSP Nodal Officer Dr. Pachuau Lalmalsawma hnen atangin Swine Flu chungchang Zirtirna ngaihthlak a nih bakah R. Lalhmudiki, ACSM Officer hnen atangin thusawi ngaihthlak a ni bawk.