Aizawl DC Dr Franklin Laltinkhuma chuan a pisa-ah vawiin khan huaisen lawmman Jeevan Raksha Padak dawngtu KT Chungnunga (40) leh Lalrinzuali (9) te hnenah pawisafai cheng 40,000 ve ve a hlan.
KT Chungnunga hian February ni 3, 2012 khan New Secretariat Complex-a sangha khawina tuizemliana tla mi pahnih Samuel Malsawmtluanga leh Vanlalruati te a chhanhim a. October ni 17, 2011 khan Khawlian khua Lalrinzuali hian thlam kang nasa tak chhunga thih mai hlauhawm dinhmuna ding, mahni insaseng thei tawhlo a nau Malsawmtluanga chu a chhanchhuak a ni.
Sorkar laipui duhdan angin lawmman tangkafai hi DC chuan a pechhuak a, medal erawh chu Independence Day lawmna inkhawmah hlan an ni ang.
