1081/2025-2026

Lunglei, 2025 Vawkhniahzawn thla ni 7: Lunglei District Bawrhsap Pi Navneet Mann chuan July ni 3, 2025 khan huaisen lawmman dil chungchangah heti ang hian hriattirna a chhuah.

"India Sawrkar chuan Jeevan Raksha Padak Series of Awards - 2025 (mi dangte nunna chhan avanga mi huaisen lawmman hrang hrang) a sem leh dawn a. He award dawng tur atana nomination/recommendation neite chuan Deputy Commissioner's Office, Lunglei District-ah ni 25.07.2025 ral hmaa inhriattir turin kan inngen e. Heng award-te hian ni 01.10.2023 hma lama thil thlengte a huam lo va, nomination/recommendation te'n mi dang nun chhanhim nana an thil tih chiang taka sawi fiahna thuziak thumal 250 aia tam lo theh luh tel bawk tur a ni. Hemi chungchanga hriat tur pawimawhte chu a hnuaiah hian tar lan a ni:

"1. Heng lawmmante hi tui tla, accident, kangmei, electric chhiatna, leimin, ramsain mihring a beihna leh chhiatna hrang hrang lo thleng laka mi dangte nunna chhan chhuaktute hnenah hlan ṭhin a ni.

"2. Lawmman dawngtute chu medal, certificate leh pawisa fai ₹ 1,00,000/-aṭanga 2,00,000/- thleng hlan ṭhin an ni.

"3. Mi dang nunna chhanhim tawh phawt tan a dawn theih a, Armed Forces, Police Forces leh Recognized Fire Service etc.-a thawkte pawh a huam tel vek a ni

"4. 'Prime Minister's Police Medal for Life Saving' pawh hi 'Jeevan Raksha Padak' hnuaia seng luh tawh a nih avangin CAPF/CPO member leh Police Force-a thawkte, mahni nunna thapa mi dang nunna chhanhimte tan he award hi dawn theih a ni bawk. Mi dang nunna chhanhim kawnga nunna chan tate pawh nominate/recommend theih an ni.

"5. Hre chiang duh tan office hun chhungin DC Office, Lungleiah zawh fiah theih reng a ni."