1080/2025-2026

Lunglei, 2025 Vawkhniahzawn thla ni 7: Lunglei District Bawrhsap Pi Navneet Mann chuan July ni 3, 2025 khan Padma Awards dil chungchangah heti ang hian hriattirna a chhuah.

"India rama chawimawina sang Padma Awards hrang hrang - Padma Vibushan, Padma Bushan leh Padma Shri te chu Republic Day, 2026-ah hian sem a ni leh dawn a. He'ng award dawng tur atana nomination/recommendation neite chuan Deputy Commissioner's Office, Lungleiah ni 25.07.2025 ral hmaa inhriattir turin kan inngen e. Nomination/recommendation-te thil tih leh hnathawh tha chungchang chiang taka sawi fiahna thuziak thumal 800 aia tam lo theh luh tur a ni a, mahnia in-nominate/recommend theih bawk a ni.

"Padma Awards hian Art, Literature, Education, Sports, Medicine, Social Work, Science and Engineering, Public Affairs, Civil Service, Trade & Industry, etc. te a huam a. Sawrkar hna thawk leh Public Sector Undertakings (PSU)-a thawkte chu nominate theih an ni lo va, Doctor leh Scientist-te erawh chu nominate theih an ni thung.

"Hre chiang duh tan office hun chhungin DC Office, Lungleiah zawh fiah theih reng a ni."