153/2023-2024
Aizawl, 19th April 2023: Sawrkar laipuia Ministry of Home Affairs chuan mi huaisen, midangte nunna chhan nana nunna thapa che chhuakte chawimawina – Jeevan Raksha Padak Award dawng tura rawtna siam duh tan hun a hawng a. Rawt tur neite chuan Mizoram sawrkara Home Department Under Secretary hnenah August ni 31 ral hma ngeiin office hun chhungin thehluh theih a ni. Award Committee hian October ni 1,2021 atanga kumin 2023 chhunga an thiltihte a en dawn avangin October ni 1, 2021 hmaa thil thleng anih chuan rawtna hi pawm a ni lovang.
