3807/2023-2024

Aizawl, 13.2.204: A hnuai ami ang hian Aizawl Bawrhsap Pi Nazuk Kumar chuan huan/lo ram hal chungchangah Aizawl District chhunga zawm tur thupek (dt.6.2.2024) a chhuah:

Khua a lo thâlin huan/lo ram hal a lo hun leh dawn ta a. Kan vah bak ram kan tih kan fo avangin kan ram thing leh mau, ramsa leh nungcha leh kan lui tui leh tui tlan tuikhur ten a tuar nasa thin a. Kangmei chhuak avng hian kan in leh lo, kan ro hlu ten a tawrh phah a, nunna hlu tak pawh kan chân fo a ni.

Chuvangin, kei, Nazuk Kumar, IAS, District Magistrate, Aizawl District chuan The Mizoram (Prevention and Control of Fire in the Village Ram) Rules, 2001 leh State Level Sub-Committee on Fire Prevention, Dt. 19.1.2024-a thukhawm thuchhuah bawh zui nan leh Section 144 CrPC in thuneihna min pek angin huan/lo ram hal chungchangah hetiang hian Aizawl District mipuite zawm turin thupêk ka chhuah e:

1. Aizawl District huam chhungah Huan/lo/leipui/ram hål turte chuan March 15, 2024 hma in hal hman vek tur a ni.

2. Lengpui Airport hnaiha huan/lo ram nei te chuan 3:30 PM hnu lamah chauh an hal tur a ni.

3. Mel lam sial tha tawk lovin tumahin an hal tur a ni lo.

4. Huan/lo ram vah bak tih kan loh tur a ni.

5. Mi tumahin ramhnuaiah meichhem ti mit lovin an kalsan tur a ni lo.

He thupek hian chhuah a nih atanga thla hnih (2 months) chhung a huam ang a. Zawmlo leh bawhchhia an awm chuan an chungah Section 188 IPC hmangin hremna lek a ni ang.