3806/2023-2024

Lawngtlai dated 13th February 2024: Vawiin chawhma khan Lawngtlai district-ah State Day of Prayer Committee bultumin February ni 20 a state day of prayer hman dan tur, DRDA Conference Hall, Lawngtlaiah rel a ni a. He hunah hian Lawngtlai khawpui chhung a kohhran hrang hrang leh tlawmngai pawl aiawhte an tel a ni.

Meeting hi Dr.Lorrain Lalpekliana Chinzah, Adviser to Chief Minister chuan kaihhruaiin State Day Of Prayer hman dan tur sawiho tur a kalkhawmte chu lawmthu hrilhin kan ram ah hmasawnna nasa zawk thleng tur chuan Kohhran leh khawtlang nen a thawhhona tha a awm a pawimawh thu a sawi.

Thutkhawmna ah hian State Day lo pian chhuah dan leh hman dan tur a rawtna lo luh te sawizauna hun chu Rev Dr.K.Thanzaua, Chairman State Day of Prayer chuan a hmang a. Kumin State Day ah hian Mizoram a District hrang hrang ah State Day of Prayer chu hman a nih theihna turin chak tak hmalakna kalpui mek a nih thu a sawi.

State Day hmanna program ah hian Thupui hrang hrang hmang a tawngtai rualna neih ni se tih a rel niin heng zingah hian Sual thupha chawina leh lawmthu sawina lamte bak ah ruihhlo avanga hliam tuar mekte tan a tawngtai te a tel a ni. Lawngtlai District in State Day of Prayer te ruahmanna kalpui a nih theihna turin hetiang hian Organising Committee a din a. Heng hruaite hian a tul angin hmalak dan tur an sawiho dawn a ni.

Chairman : Rbt Dr.Lorrain Lalpeklian Chinzah, Adviser to Chief Minister
Working Chiarman : Rev B.Zazawna Lai, General Secretary LIKBK
Vice Chairman : i) Rev Dr.H.Lalthlamuana, Executive Secretary BCM Lawngtlai Area
ii) Rev F.Lalbiakthuama, District Superintendent, UPC (NEI)
iii) Rev C.Zaihmingthanga, PCI - Lawngtlai Chandmary

General Secretary : Rbt HC.Vanlalruatpuia, President CYLA
Secretaries : Rbt Elvis Lalthangzuala, President MJA, Pu MC.Vanlalrova Lai, General Secretary, LSA

Finance Secretary : Pi Vanlalhlupuii Fanai, President MHIP Sub-Hqrs Lawngtlai

Treasurer : Pu V.Lalrinkimi, President LWA Gen.Hqrs Lawngtlai

Senior Adviser : i) Pu Cheemala Siva Gopal Reddy, IAS. Deputy Commissioner
ii) R.Lokeshwaran, IPS, SP Lawngtlai
iii) Rev F.Raldawna, Chairman, Lawngtlai Prayer Fellowship
iv) Pu K.Lalramliana, Executive Secretary (LADC)