3805/2023-2024

Aizawl, the 13^th February 2024: Rural Development Department, Government of Mizoram chuan PMAY (G) a hnuaia tarlan ang hian chungchanga hriattur pawimawh a tlangzarh.

Pradhan Mantri Awaas Yojana Gramin (PMAY-G) Programme hi Government of India-in mirethei chhungkua, chenna in nei lo leh rapin a chengte tana chenna tha a neih theih nana a ruahman a ni a. Sum hi instalment anga pek niin, payment tin hi Geotagged vek a ni bawk a ni. Lang tlang tak leh mi zawng zawng in an hmuh theih nan tih anih avanga tagging hi tih thin a ni. He Scheme hnuaiah hian beneficiary tin-te hian in sak nan Nuai khat leh Sing Thum (Rs. 1,30,000/-) zel an dawng thin a ni.

Mizorarm-in Target kan neih zawng zawng, in 29967 te hi Registration tih vek tawh an ni. State Nodal Account-a fund dawn anih veleh a sem mai theih turin Administrative Sanction pawh ruahman lawk fel vek tawh a ni. Insak kal lai leh la sak tan loh zawng zawng hi 31^st March, 2024 hma-a zo vek turin Ministry of Rural Development, Govt, of India chuan State tin te a beisei a ni.

BENEFICIARY THLAN DAN:

PMAY-G beneficiaries te hi Socio Economic Caste Census (2011) data atanga thlan an ni a. Hemi Survey data atang hian beneficiary te hi Criteria hrang hrang a thlitfim an nih hnuah PMAY-G tana Govt, of India in software a siam AwaasSoft ah thun (auto-generate) an ni a. Auto-generated Priority List (APL) ti-a hming vuahin khaw hrang hrang tan list hi Ministry of Rural Development, Govt, of India chuan system an rawn siam ta a ni. APL hi State level emaw District level emaw Block level atanga lo tih danglam leh khawih danglam theih a ni lo a. APL a hming chuangte chauh hi insak tanpuina (PMAY-G) dawngthei an ni ta a ni.

PMAY-G hi FY 2016-17 atanga hman tan a nih chauh avangin SECC-2011 a Survey hunlai-a beneficiary te kha in tha lo nei tawhte, pem tawhte, boral tawhte leh list a chuang ve lo insak tanpuina mamawh tam tak an awm tih hmuh chhuah a ni a. A tirah chuan in tha nei tawhte, pem tawh leh boral tawhte chu APL/PWL atang hian paih phal a ni a, paih tur pawhin Gram Sabha (Vantlang inkhawm) approval lak zel a ngai a ni. Thun belh leh thlak erawh phal a ni lo a ni.

Insak tanpuina mamawh APL/PWL a telve lo mi tam tak an awm tak avangin kum 2018 khan Ministry of Rural Development, Govt, of India lam chuan Awaas+ Survey an rawn ruahman a. Awaas+ hi Mobile App niin, kum 2018 a SECC 2011 a awm ve lo, in tha mamawh si-te tana survey-na a ni. Hemi Survey ah hian khawtin atangin Mizoram chhungah ngei pawh insak tanpuina dawng thei tur mi tam tak thunbelh an ni thei ta a ni. Amaherawh chu, hemi Survey a hmaih palh emaw Survey hunlaia thun lohte chu tun hnuah pawh hian thun belh leh theih an ni ta lo a ni. SECC 2011 atang APL Ministry of Rural Development, Govt of India lamin an lo siam ang bawk hian Awaas+ atang pawh hian APL an rawn siam ve leh bawk a. A hma ami ang tho a tih danglam emaw thun belh theih a ni leh ta lo a ni. Tuna SECC leh Awaas+ data a chuang tawhte zawh fel hma hi chu Ministry of Rural Development Govt, of India chuan survey thar emaw, thunbelh etc., a rawn phal tawh lo a, hemi a nih avang hian, thingtlang lama insak tanpuina mamawh tak takte, PMAY-G hnuaia beneficiary a thlan thar theih an ni rih lo a ni.

PHYSICAL REPORT

Financial Year 2016-2017, 2017-2018, 2019-2020 leh 2020-2021 a beneficiary te hi SECC 2011 data atanga thlan chhuah an ni a. Financial Year 2021-2022 leh 2023-2024 te hi Awaas+ Survey data atanga system in a thlan chhuah an ni ve thung a. SECC 2011 atanga a pumpuia target kan neih chu 13532 a ni a, Awaas+ atang hian 16435 kan nei veleh bawk a ni. Kumtin a thlen chin leh hnathawh dan chu a hnuaia mi ang hian a ni:

Tun dinhmunah hian State Nodal Account ah sum engmah a awm tawh loh avangin Ministry of Rural Development, Govt of India lamin sum an lo sanction leh State Nodal Account (SNA) a insak tanpuina pawisa a luh hnuah insak lai zawng zawng hi sak chhunzawm tura ruahmanna siam a ni. Insak lai zawng zawng leh PMAY-G target pumpui zawh nana sum la mamawh belh zat chu Rs. 16,215.875 lakh vel a ni bawk.