3804/2023-2024

Hnahthial the 13th Feb 2024: Kumin MP inthlan lo awm tur atana inbuatsaihna kal mek zelah vawiin atang khan DC Conference Hall, Rallang Tlang-ah inthlan huna hman tur Electronic Voting Machine(EVM) First Level Checking(FLC) neih a ni.

EVM First Level Checking hi ni hnih chhung neih tura ruahman a ni a, vawiin hi a nikhatna a ni. FLC-ah hian Ballot Unit (BU), control Unit (CU) leh Voter Verifiable Paper Audit Trail (VVPAT) te chu uluk taka endik vek a ni ang a, polling station a hman tur leh reserve a dah tur te thliar hran an ni ang. EVM khawl-Control Unit, Ballot Unit leh VVPAT-te hi Electronics Corporation of India Limited (ECIL) Company siam niin, Company lam atanga lo kal Engineer rualte'n an endik a ni. Party aiawh kal ten khawl chu hmet chhinin mock poll an nei bawk. He hunah hian Pu Lalbiakfela Election Officer, Pi Betty Lalrinfeli SDC, Election Official, Political Party aiawh leh venhim hna thawktute bakah chanchinbumite a tel a ni.