3803/2023-2024

Dated Saitual the 13th February 2024 : Vawiin khan PHE, RD & Horticulture Minister, Prof. Lalnilawma chuan saituala a  Department chan hrang hrangte leh District Hospital a tlawh a, Department hotuten an lo dawngsawng tha hle.

PHE Minister hian  PHED Office, Saitual chu tlawh hmasa berin, Pu Thanchungnunga, Sr. SE,champhai leh Pu Lalhruaitluanga, Sr. SDO, PHE Saitual ten an lo dawngsawng a, an  dinhmun tlangpuite thlirho niin hmalakna tur hrang hrangte an sawiho.

Minister hian Saitual Water reservoir chu tlawh nghalin harsatna awm mekte leh siamthat dan turte a hmunah a enfiah nghal bawk a. Tun dinhmun ahhian Saitual chawmtu hi PHE hian 49lakh ltr an nei a,Tanky 4 a awm a, saitual town chawmtu hi litre nuai 13 vel niin, litre nuaikhat, 1 Lakh dawng Tanky  erawh a leak mek a, Minister hian a hmunah tlawh nghalin siamthat dan turte pawh an sawi nghal a ni.

PHE Office a tlawh zawh hian Minister chuan DRO Office tlawh lehin, DRO Pu Lalnghinglova leh staff ten an lo dawngsawng a, office dinhmun leh staff nghet an neihloh thute bakah mamawh hrang hrang te an lo thlen a ni.

DRO office tlawh zawh hian Saitual District Hospital pawh tlawh niin, Dr Zothanpari Chhakchhuak (SMO) leh staff ten lo dawngsawngin Hospital hmunhmate a tlawh kual nghal a, Construction site te leh hmalakna tur hrang hrang te enfiahin,an harsana te an lo thlen bawk a ni.

Hemi zawh hian Horticulture Office tlawh lehin DHO Jacob Lalmalsawma(MHS)leh staff ten an lo dawngsawng a, Saitual Horticulture dinhmun tlangpui te DHO hian Minister  hnenah report a pek zawh hnu in Saitual hoticulture hmunhma leh site office te a tlawh bawk a, tul leh pawimawh hrang hrangte an sawi ho a ni.

Vawiin a Minister of State Prof Lalnilawma'n Department hrang hrang a tlawh zawh hian Primary School II, Saitual chu tlawh leh in school naupangte leh zirtirtuten anlo dawngsawng a, MLA fund atangin Computer set leh printer a pe a ni.