No.4284/2021-2022
Aizawl16th March, 2022 : Vawiin chawhnu khan Pu L.Thangmawia, Vice Chairman, Human Resources Development Board chuan NABARD sum cheng nuai 75 senga sak Dulte High School (Adhoc aided) chu a hawng.

Hawnna inkhawmah hian thusawiin Pu Thangmawia chuan School Education Minister duhsakna vang liau liau a school building thar tha tak Dulte ah sak zawh a lo ni ta chu zirtirtu, zirlaite leh Dulte khawtlang a lawmpui thu a sawi a, Sikul building sak pawh sum ruahman zat enin tha hle a a hriat thu leh a sa tu ten tha taka an sak avangin an chungah lawmthu a sawi bawk.

Sikul panna kawng zim tak mai, a ngenna ngai pawimawh a tuna NHIDCL hnuaia kawng lai mektu APPL Company in zau tha tak mai a an laihsak ta te, Dulte field an laihsak leh Kawlkulh damdawiin a dah tur X-Ray khawl changkang tak, cheng nuaih sawm chuang man lai CSR atanga an leisak avangin APPL chungah lawmthu a sawi a, X-Ray khawl hi hun rei lo te ah hman theih a beisei thu a sawi bawk.

Hun harsa tak, hripui lengin ram pum a tibuai mek a, hun rei lo te ah Pathian hruainain hun tha zawk a in herchhuah a beisei thu leh hmasawnna hna te mumal taka a kal chhoh leh a duh thu sawiin sawrkarin SEDP a kalpui tur chu hlawhtling tlaka lo thawk turin a bial mipuite a ngen bawk.

School hawnna progrramne hi Pu H.Lalduhawma, VCP, Dulte in a kaihruai a, Pu Lalnunmawia Hnamte, Headmaster, Dulte H/S in inlawmna thu sawiin, Pu K.Lungmuanan technical report a pe a, Pu C.Liandawla, Dulte H/S zirtirtu chuan lawmthu sawiin hun a khar a ni.