No.4285/2021-2022
Aizawl 16th March, 2022 : Vawiin khan Green-Ag Project (GEF-6) chungchangah Technical Support Group (TSG) Meeting Virtual chu Pu Beitlotha Nohro, MCS, Mamit hova chhim a ni.

3rd TSG Meeting hi Pu Kulothungan A, District Bawrhsap, Lunglei chuan kaihhruaiin, Pu C. Malsawmkima, District Agriculture Officer, & Member Secretary, TSG Lunglei chuan report a pe bawk.

Meeting hi NPMU, FAO, UN Delhi hotute chuan Mizoram chhunga TSG kaltlanga hmalakna tarlan report ngaithla-in project-in a tum ang taka hnathawk turin meeting chhimtute an chah a ni.

Vawiin meeting-ah hian Annual Work Plan leh Budget (AWP&B) 2022-2023 chu pawm niin, Mamit leh Lunglei District chhunga hmalak hmasakna tur (Approval for priority areas) pawmpui tura chhawpchhuah pawh pawm a ni a. Action Plan for 1st Quarter 2022-2023 ruahmanna siam pawh pawm a ni bawk.

Mamit leh Lunglei District atanga Approval for priority areas hmalakna hmasa atana chhawpchhuah khaw 16 te tarlan nghal niin, he project hnuaia hmalakna hian Mamit District chhung khaw 11 leh Lunglei District khaw 5 te a tuam ang. Green- Ag Project in hma a lakna tur Lunglei leh Mamit District chhung khaw 36 te pawh tihchian a ni bawk.

Vawiin biakhmuhtheih hmanga meeting-ah hian State Project Management Unit aiawhte, Mamit leh Lunglei TSG, Green-Ag Project members-te an tel a ni.