No.4286/2021-2022
Aizawl 16th March, 2022 : Huan, lo, ram neitu inthlakna awlsam leh felfai zawk a ziahfel leh chhinchhiahna tur, Computerization of Registration, National Generic Document Registration System (NGDRS) chu Aizawl, Kolasib leh Serchhip District ah te hlawhtling taka hawn a ni tawh a. District dangah pawh hawn vek tum anih angin Lungei District a NGDRS kalpui anih ve theih nan training koh a ni.

Training hi vawiin 16/03/2022 ah, DRDA Conference Hall, Lunglei ah neih ani a. Hetah hian Land Revenue & Settlement Department, Lunglei staff te leh CSC( Common Service Centre) Operators te training pek an ni. Online Computerized Registration Services kalpui anih dan tur leh Sorkarin hemi tana charges/ fees a lo siam tawh zulzuia Common Service Centres ten registration service an kalpui dan tur te sawiho leh inzirtir na neih a ni. Theory leh Practical training neih niin, zing lamah CSC operators te training pek an ni a, chhun/ tlai lamah Sub Registrar Office, LR&S Lunglei te practical training pek an ni bawk.

Computerization of Registration hi sawrkar laipui hmalakna niin a Software hi Department of Land Resources, Ministry of Rural Development hmalaknain ‘One Nation, One Software’ tura duan a ni a, Cloud based Server-ah Document registration te chu uluk tak a vawn that niin Mizoram chu India ramah he software hmang thei hmasa parukna kan ni a, NE states zingah pahnihna kan ni bawk. He hmalakna hi ram chhinchhiah fel mai bakah Registration Fee leh Stamp duty thlengin a tangkai hle dawn a ni.