No.2334/2021-2022


24.09.2021: Human Resources Development Board Vice-Chairman Pi L. Thangmawia chuan vawiin khan Mizo Zirlai Pawl (MZP) in kum tina an lo hman thin, zirlai hruaitu (MZP, Hnampual zirlai pawl leh College leh University-a zirlai hruaitu) zirnaa hlawhtlingte lawmpuina hun, MZP Conference Hall-a buatsaih chu khuallian niin a hmanpui.


Pu L.Thangmawia chuan zirlai hruaitute chuan zirlai hruaitu ni ve lo te aiin activity an ngah zawk thin thu leh zirnaa hlawhtlinna chang tura zirlai dangte aia hah zawka an thawh a ngaih thin thu a sawi a. Hetiang a ni chunga zirlai hruaitu za tel teh meuhin result duhawm tak an nei hi thil lawmawm leh chhinchhiah tlak tak a ni tiin, vawiina chawimawina dawngtute chu an hlawhtlinna chu ropui tiin an kal leh zel na turah duhsakna a hlan ni.


Pu L.Thangmawia chuan Mizo Tawng-a thuneitu awm a tul zia hriain Chief Minister Pu Zoramthanga ruahmanna in Human Resources Development Board chuan chak taka Mizo Language Board din a nih theihnana turin hma lak mek a nih thu a sawi bawk a. Hnam rilru pu chunga zirlai, sawrkar hnathawk leh Zofa mi tin ten kan hma zawna kan hna theuhte kan thawh a hun hle tawh thu a sawi a ni.


MZP hruaitu a lo nih ve thin tawh thu sawiin Pu L.Thangmawia chuan Mizoram University din dawna MZP in nasa taka tha a lo thawh tawh dante leh Mizo subject-a MA zirna bultan theihna atan MZP hma lo lak ve tawhna te chipchiar takin a sawi bawk.


MZP President Pu Vanlaltana pawhin thu sawiin zirlai hruaitu zirnaa hlawhtlinna chang ta te a lawmpui thu a sawi a, an zir leh zelna turah duhsakna a hlan bawk.


He hunah hian MZP General Headquarters hruaitu atang te, Hnampual zirlai pawl hruaitu leh Aizawl khawchhung College leh University zirlai hruaitu atanga kumin University exam a hlawhtlinna chang te lawmpuina certificate pek an ni.


He lawmpuina semna inkhawm hi hi Pu Ricky Lalzawma, Organising Member, MZP chuan kaihruaiin, Pu Lalvansanga Pautu in hunserh a hmang a. Pu S.Dochhuanawma, Organising Secretary in report pein lawmpuina semna hun hi Pu H.Hrangkunga, MZP Commission Secretary in a kaihruai bawk a ni.


Attachment

  • Loading attachment...