No.2335/2021-2022

Aizawl the 24th September, 2021 : Vawiin chawhnu dar 1:00 khan Pu C.C. Lalchhuangkima, Deputy Commissioner,
Khawzawl District chuan Khawzawl town chhuga Airtel tower awmna in /compond neitute kokhawmin Airtel mobile/internet signal mumal lo chungchang a sawipui.

He hunah hian Khawzawl District Bawrhsap chuan tunlai khawvelah Mobile/Internet signal tel lovin hna a thawh theih mang tawh lo tih sawiin, Airtel tower awmna in/compound neitute chu mipui tana hnathawk an nihnaah taima tak leh rinawm taka thawk turin a chah a. Khawl enkawl chungchangah harsatna leh mamawh an neihte Company hnena report pe zung zung turin a hrilh a ni.

Bawrhsap chuan Mizoram Consumer Union, Khawzawl District Hqrs. nen pawh Airtel Tower awmna hmunhmate la enfel nise a ti a. Chak zawka hmalak a nih theih nan leh, signal chhiat chhan tak hriat a nih theih nan Airtel Company lama an hotute nen pawh a hma thei ang bera meeting neih leh nise tih a ni bawk.

Vawiina Bawrhsap hova meeting-ah hian Pu H. Lalramenga, SDC, Pu Lalthawmmawia, President, MCU, Khawzawl District Hqrs. leh Airtel tower bunna In leh compound neitute an tel a ni.