Khawvel hmun dang rualin Aizawl ah pawh nimin khan Human Rights Day hman a ni a. He Ni hmanna inkhawm, Vanapa Hall chhak  26 AR Officer Mess tualzawl a neih chu Zoram Entu Pawl leh 26 Assam Rifles tangkawp ten an buatsaih a ni. Human Rights Day puala inkhawm a hian Mary Mount  School naupang thahnem tak an tel a, Pi Vanramchhuangi  Human Rights and Law Network chuan Universal Declaration of Human Rights chungchang bakah naupang leh hmeichhia te dikna leh an chanvo chungchang te a sawi a; Pu Raymond Lalbiakzama Advocate chuan Civil leh Political Rights chungchangte a sawi bawk a. Inkhawm hi Fr. Lawrence Kennedy Director Zoram Entu Pawl in a kaihruai a ni.

He inkhawm a hian Col. Gaurav Chaturvedi Commandant 26 AR, Pu Lalbiakthanga Khiangte SP Aizawl bakah mi pawimawh dang te an tel a ni.