Mizoram KVI Board State Level PMEGP Exhibition Assembly Annexed Building a ni 2.12.2011 a neih tan chu vawiin chawhnu khan khar a ni. Pu K. Lianzuala, MLA Chairman, Mizoram KVI Board chu Khuallian niin a hmanpui.

Khuallian chu thusawiin  PMEGP chu hna nei lote hna hmuh theihna atana programme pawimawh, Central Sorkar pawhin Flagship programme hial a a neih a ni a, PMEGP hmangin eizawnna nei lo tam takin eizawnna an neih phah a. Kumin chhungin Thilsiamtute hnenah tanpuina, Margin Money Rs. 142.00 lakhs pek a ni tawh a, Bank lamin an sanction fel hunah mi dang pawh pek chhoh zel a ni ang a ti. Mizoram KVI Board chu he programme bawhzui tha a nih avangin India ram pum pui a KVI Board te zingah, a zawn a Best KVI Board Award la thei a nih thu a sawi a, hetiang dinhmun a an din theih nan a thawktute inpekna ah lawmthu a sawi bawk. An thil siam chhuah ah an mahni dawrtute mipui tan pawh a zawng chhang tlak, rintlak, belhchian dawl a thil siam turin a fuih bawk.

Exhibition ah hian tualchhung thilsiam hrang hrang te dawr 30 hawn a phochhuah a ni a. Exhibition chhung hian Rs. 5.00 lakhs vel lei chhuah hman a ni. Exhibition a inpho chhuakte zingah a titha 3 thlan chhuah an ni a. Khuallian hian lawmman leh certificate a hlan nghal ; 1stZialung Blacksmithy, Chanmari West ; 2nd Hnamchhantu, Electric Veng, 3rd Zonunsang Handloom, Chhinga Veng te an ni.

Exhibition kharna hi Pu Zothankhuma, IAS, Chief Executive Officer, Mizoram KVI Board in a kaihhruai a ni.