Hunthar Veng (Company peng) leh Rangvamual inkar National Highway-54 kawngpui PWD, Highway Division ten siamthat hna an thawh avangin mipui vantlang kawngpui hmangtute remchan zawkna atan leh hnathawktu ten rang taka an thawh zawh theih nan a hnuaia tarlan ang hian ruahmanna siam a ni. Ruahmanna hi thupek chhuah a nih atanga hman tur a ni ang a, hnathawh zawh a nih hma chuan hman tur a ni.

1)Kawng siam hnathawktu ten zing dar 7:00 atangin hna an thawk tan ang a, zing dar 11 leh chhun dar 12 inkarah chhun chawlh neiin tlai dar 4 thleng hnathawh leh a ni ang.

2)He kawngpui siam chhung hian LMV chin Sairang, Lengpui etc. kal tur chu Vaivakawn atanga Lungverh Peng via Luangmual, Ramrikawn, Sakawrtuichhun kawngah tlan thin turin kan in ngen a ni.

3)HMV/MMV reng reng Bawngkawn leh Rangvamual Ch.Saprawnga Truck Terminal inkarah park/dah phal a ni lo. Thupek bawhchhia chu Section 179 MV Act hmanga hrem an ni ang. Entry period hun nghak tur te chuan Ch.Saprawnga Truck Terminal-ah emaw a thlang lam kawngpui zau laiah park/dah tur a ni. Kawngpui siamna huamchhungah lirthei leh bungrua eng chi mah kawngpui siam tibuai thei turin dah phal a ni lo.

4)Kawngpui siam hi kawng chanve siam phawt tur a nih avangin lirthei intlan chhawk a ngai dawn a, lirthei khalhtu zawng zawng te duty-te thu ngaichang thiam turin kan in ngen bawk a ni.