Pu T.J. Lalnuntluanga, Hon’ble Minister, Transport, Forest & Enviroment, Law & Judicial chuan vawiin hian Serchhip a tlawh a. A enkawl department District Office te tlawhkualin, thawktute nen inhmelhriat tirna te an nei.

Minister hian District Transport Office, Serchhip tlawh hmasa berin Pu B. Lalrinsanga, District Tranpsport Officer, Serchhip leh thawhpuiten an lo dawng sawng a, Office Building thuam that ngaite leh thawktute indaihlohna chungchangte  bakah Office mamawh chi hrang hrang te an lo thlen a ni. Lirthei thar neituten rang zawk a High Security Plate an vuah zung zung  theihna  tura hmalak a tulzia te pawh an sawi chhuak a ni.

Hemi hnu hian Serchhip District Court Office tlawh lehin Pu Lalngaihmawia Zote, Chief Judicial Magistrate leh a thawhpuiten an lo dawngsawng a, an Office mamawh chi hrang hrangte lo thlenin an inkawm hova. Library an neih thuai theih nana hma a lakpui tur thu thawktute hnenah hian a sawi nghal ani.

Pu T.J. Lalnuntluanga, Hon’ble Minister hian tlailamah Thenzawl a pan leh nghal a ni.