Vawiin khan Capacity Building Programme of Hunthar Locality Training Nithum chhung awh tur chu Hunthar Veng MHIP Hall-ah Pu Lalthangpuia Sailo Comissioner and Secretary DM&R Department-in a hawng.

He hun hi Pi Ramdinliani Joint Secretary DM&R Department in kai hruaiin, Government official hrang hrang Aizawl District Disaster Management Authority ( ADDMA), PWD te leh Hunthar Local Council Member, MHIP, YMA, NGO hrang hrang leh Hunthar mipui thahnemtak antel ani.

He inkhawm kaihruaitu Pi Ramdinliani Joint Secretary DM&R chuan Hunthar Veng leichet dan chanchin tlangpui leh mipuite tawrhna hrang hrang chanchin sawiin, Restoration of National Highway - 54 and Mitigation of Sinking area at Hunthar veng chu Central Sawrkar Scheme Landslide Risk Mitigation Scheme (LRMS), National Disaster Management Authority, Government of India hnuaiah thehluh anih dan leh pawm anih dan mipui kalkhawmte a hrilh a ni.

Commissioner Pu Lalthangpuia Sailo chuan Hunthar mipuite chu hun harsa leh dinhmun hlauhawma an awmlai pawha chi ai mai lova tanpui ngaite intanpui tawnna. He nithum awh training an neih tura mithiamten zirtirna an pekte tha taka ngaithla a, atul huna hmang tangkai turin a chah ani.

He inkhawmah hian Pu John L.T Sanga C.E.O, ADDMA leh Dr Lalrokima Chenkual Asst. Director (Training) DM&R te pawh in thu sawiin, Pu Lalnunhlua, Director DM&R Department in kalkhawmte hnenah lawmthu sawiin he nithum awh tur training hawnna programme chu tihtawp ani.