Chief Minister Lal Thanhawla chuan, India rama football club inelna sang ber I League thleng thei turin a tul a nih phawt chuan Lammual thuam that a ni ang a ti. He thu hi vawiin tlaia AIFF hotu ten a chenna bungalow-a amah an kawmnaa a sawi a ni.
Inkawmaah hian Chief Minister chuan, "Lammual hikankhelmual pawimawh a ni a, hetah ngei hian I League hi Mizo mipuite'n en an chak a, a tul anginkanthuam tha ang," a ti.
I League khelh theihna tur hian khelmualin tehna hrang hrang a paltlang a ngai a, Lammual endik tur hian AIFF Assistant Manager, Club Licensing & League Operations Indranil Das hian Aizawl a rawn tlawh a; Lammual a endik bakah tun hnaia I League khel tura tling thar Aizawl FC inrelbawl dan a endik bawk.
Chief Minister chuan Mizoram sorkarin infiamna tihmasawn tura theihtawp a chhuah thu hrilhin, "Kansum neih ang angin infiamna lam tihhmasawnkantum a, thangtharte tana hmunhma thate siamsakkantum a,kanhnathawhin rah tha a chhuah tan mek hi a lawmawm hle a ni.Indiarama football inelna sang I Leaguekanthleng thei tur hi a lawmawm hle a ni," a ti.Chief Minister chuan AIFF aiawha lo kal hnenah hian Mizoram sorkarin football khelmual tha, artificial turf phahna khelmual pali a neih tawh thu a sawi a, football-ah chang ni lo infiamna dangah pawh hmasawn zel tuma an beih thu a sawi.
Indranil chuan Mizoram Chief Minister hnenah lawmthu hrilhin, "Indiaramah hetiang taka football tuipuitu Chief Minister leh sorkar hi kei chuan ka la hre ngai lo. Mizoram Football Association hruaitute inpekna leh hnathawh ropuiziakanhre tawh a, sorkar hnathawhte a taka hmu theia ka lo kal hi ka lawm hle a ni. Hei hian Aizawl FC pawh nasa takin a pui ngei ang," a ti.
AIFF official hian Lammual a hmuh dante hi AIFF-ah a thehlut ang a, chumi hnu chuan Lammuala I League khelh a nih leh nih loh turah thutlukna siam a ni dawn a; Lammual chu I League khelhna tura a tlin ngei a beisei thu a sawi a, Chief Minister-in thawm that ngai a awm chuan thawm that a inpeih thu a sawi chu thlamuanthlak a tih thu a sawi bawk.
MFA Honorary Secretary Lalnghinglova Hmar chuan Mizoramin I League thleng thei tura MFA lam inbuatsaihnate leh a tul anga tan lak zel an inhuam thu a sawi a, MFA-in Aizawl FC chu kawng engkima a thlawp tlat thu a sawi bawk.
MFA president leh Health Minister Lal Thanzara, MFA Honorary Secretary Lalnghinglova Hmar bakah Aizawl FC President Robert Romawia Royte-te pawh inkawmnaah hian an tel a ni.
