Vawiin khan Lunglei District Vigilance & Monitoring Committee chu an Chairman Pu C.L. Ruala, MP(LS) hovin Lunglei Circuit House Conference hall-ah an thukhawm a; he meeting-ah hian HPC Vice-Chairman Pu S.Laldingliana, Lunglei ‘W’ bialtu MLA Pu Chalrosanga Ralte, West Tuipui bialtu MLA Pu Nihar kanti Chakma leh Lunglei Addl DC Pu H.Lianzela bakah member department aiawhte an tel.

Vawiin meeting-ah hian Sorkar laipui Scheme leh programme kalpui mek hrang hrang - MGNREGS, IAY, IWMP, PMGSY, NRDWP, NBA, NSAP, RGGVY, Scholarships & Upgradation of Merit for ST Students, Vocational Training Centre, Eklavya Model Residential School leh NHM - hnuaia hmalak tawhnate leh hlawhtlinna hmuh tawhte sawiho a ni a, Chairman Pu CL Ruala chuan department-te hmalakna chu tha thawkhat mahse tan la lehzual turin a hrilh.