Vawiin khan IMPCC Meeting chu AIR Conference Hall-ah neih a ni a ; member te an kal tha hle. April thla chhunga thupui  : Sorkarin thingtlang mite hmasawnna tura hma hlen puanzar dan thlir ho a ni a ; AIR ; Doordarshan leh Chanchinbu-ah tarlan a tam tawk a, lawmawm hle in an hria. May thla thupui atan ‘Disaster Management’ (Chhiatrupna laka inven dan) nise an ti. Doordarshan, Aizawl-in zinglama News an puan theihna turin Chief Minister Pu Lal Thanhawla’n Central hotute hnena sawipui a tiam thu sawi a ni a, lawmawm kan ti hle.

He meeting ah hian Ramngaw neih that pawimawhzia - tuihna a that reng nan te, boruak tha kan neih zel theih nan te, mipuiin thing leh mau, hemi hmang tangkaina te kan hriat theih nan zirtirna pek uar nise. Mautam hlim anih avangin mautuai, tuaiterek tuman khawrh lose, kuminah rawtuai/mautuai zawrh khap tlat nise kan ram hi rei loteah a lo tha leh ang  tihte uar takin sawiho a ni. Sum hmuhna tur a mau/rawtuai khawrh te, ramngaw tichereu zawngin tuman eizawng lo  se tha an tih thu an sawi.

Mizoram sorkar website siamten thu dik tak tarlangin, DIPR - website hi miin an en nasat avangin sorkar hotute Mizoram thil eng pawh a dik thei ang bera chhuah reng tul an tih thu te an sawi lang.

Cable TV ten hnamdang film etc. Mizo tawnga an chhuahte hi phalna nei lova tihchhuah a pawi theihzia te hre thar sela, thuneituten kaihhruaina pek tam tul an tih thu an sawi a. Mizoram mau te mahal system a kalpui hi ram tan channa a nih theih avangin kan ram mau te hi sorkar leh mipuiin hlawkpui dan tur ngaihtuah a tulzia an sawi bawk.

Tun hnaia hnam dangin pawngsual an neih avanga hnam anga vung taka thil kalpui zel hi a tha lova ; misual chu hrem ngei a tha a, mahse a hnam zawnga inbeihna zawnga beih vak hi Mizote fimkhurna tur niin an ngai.