Pu Lal Thanzara, Parliamentary Secretary chuan 21.4.2010 zing khan Champhai-ah Cheng Nuai riat senga sak Chhungte Community Hall a hawng.
Hawnna inkhawm Pu K. Vanlalthiana BDO Champhai Block kaihhruaiah hian Pu Lal Thanzara chuan thusawiin lungrualna leh thawhhona tha tak an neih avanga Hall tha tak Chhungte khua-in an thei chu lawmawm a tih thu a sawi a. Hmabak la awm chu RD Minister hnenah thawhzui theih nan hmalak pui a tiam a. Hun ralmuangah Pathian kaihhruaina a hmasawn zel turin mipui kalkhawmte a chah a. Ram hruaitute tawngtai sak chhunzawm zel turin a ngen bawk.
A sawi zelna ah Pu Lal Thanzara chuan sorkar hmalak mekna NLUP sem turin hma chak taka lak a ni a. Tunah hian cheng vaibelchhe 100 a awm tawh a. A dawngtu mipui ten an hlawhtlin pui loh hlauhna avang leh Trade thlan hlawhtlinna ngei tur kan duh sak avangin hmanhmawh theih a la ni lo a ni a ti.
Hemi hnu hian Pu Lal Thanzara hian Zokhawpui Inter Branch YMA Football Championship 2010 for VL. Chhandama Memorial kharnaah khuallian niin a hmanpui nghal a. Thusawiin infiamnaah hian engang pawhin hmasawn mah ila kan khawtlang nun a tlakchhiat si chuan awmzia a nei dawn lo a ni tih sawiin thalaite chu khawtlang nun a lo mawi deuh deuh theih nan thawhpuiah a sawm a. Ruih theih thil lakah inthiar fihlim turin a chah bawk. Pu Thanzara chuan Mizo infiam miten India ram mai ni lo khawvel ram zau zawka hming an chher theihna turin ruahmanna fel tak naupang an nih lai atanga chherchhuahna tur Catch Them Young Policy kalpui mek a ni a ti a. Chief Minister leh Sports Minister ten Chhangphut Field Champhai a artificial grass a phah an rawt tawh ti puitling turin hmalak a tum thu a sawi rualin CDFA tan football 5 a pe nghal.
A sawi zelna ah Pu Lal Thanzara chuan sorkar hmalak mekna NLUP sem turin hma chak taka lak a ni a. Tunah hian cheng vaibelchhe 100 a awm tawh a. A dawngtu mipui ten an hlawhtlin pui loh hlauhna avang leh Trade thlan hlawhtlinna ngei tur kan duh sak avangin hmanhmawh theih a la ni lo a ni a ti.
Hemi hnu hian Pu Lal Thanzara hian Zokhawpui Inter Branch YMA Football Championship 2010 for VL. Chhandama Memorial kharnaah khuallian niin a hmanpui nghal a. Thusawiin infiamnaah hian engang pawhin hmasawn mah ila kan khawtlang nun a tlakchhiat si chuan awmzia a nei dawn lo a ni tih sawiin thalaite chu khawtlang nun a lo mawi deuh deuh theih nan thawhpuiah a sawm a. Ruih theih thil lakah inthiar fihlim turin a chah bawk. Pu Thanzara chuan Mizo infiam miten India ram mai ni lo khawvel ram zau zawka hming an chher theihna turin ruahmanna fel tak naupang an nih lai atanga chherchhuahna tur Catch Them Young Policy kalpui mek a ni a ti a. Chief Minister leh Sports Minister ten Chhangphut Field Champhai a artificial grass a phah an rawt tawh ti puitling turin hmalak a tum thu a sawi rualin CDFA tan football 5 a pe nghal.
