Serchhip District MJA chuan January 29, 2010 dar 11 khan P&E Rest House, Bukpui, Serchhip-ah Annual Conference vawi 3-na an hmang a, he hun hi Information & Public Relations Director Pu Jim K. Chozah, MIS chuan khuallian niin a hmanpui
Khuallian I&PR director Pu Jim K. Chozah chuan thu sawiin MJA chu pawl member tlemte mah nise, mipui tan an rawngbawlna a hlu hle ni, a ti a. An pawimawhna hre zel turin MJA member kalkhawmte a chah bawk. Mizoram sorkar chuan media pawimawhna a hria a, an tan pawh hma a la zel a ni a ti a. Journalist Welfare Fund, Ex-Gratia, a pawisa fai a Accredited Journalist tana Rs. nuai 1 a pek thin bakah Non-Accredited Journalist thi te hnenah Rs. sing 6 a pe thin a ti.
A sawi zelnaah khuallian chuan chanchinbumite ram leh hnam tan an pawimawh zia hriain, ngun taka ngaihtuah anih hnuah rawtna siam a ni a. Committee dinin Amendment siamin Order pawh dawn a ni tawh a ti. He Fund-ah hian Natural Calamity MJA member ten an tawhin Committee chuan ngaihtuahin tanpuina a pe ang a. A pawisa fai (Cash) bakah natna khirhkhan ang chi pawh he fund atang hian tanpuina pek theih a ni dawn bawk a ti. Welfare Fund hi sorkar-ah Gazette-ah Rs. nuai 10 dah a, chu chu Society dinin invest ta se tih a ni, a ti. Kan ram leh hnam sorkar tan remna siamtu nih tum ila, rah tha tak a chhuah ngei ka beisei a ti a. Kan thu ziakte remna lam hawi ni thei se a ti bawk.
Khualzahawm Pu C. Lalzamlova, MJA Gen. Hqrs. Treasurer pawhin thu sawiin District hrang hrangah Press Club a awm tawh a, Serchhip District pawhin in neih ve thuai beisei ila a ti a. Press miten kan pawimawhna kan hriat thar zel a tul a, sorkar thil tih that fakin, thil tih that loh sawisel a tul a ti bawk.
Pi Lal Riliani, President, Indian Society on Tobacco & Health, Mizoram Chapter pawhin zuk leh hmuam that loh zia kawng hrang hrangin a sawi a. Serchhip District MJA te hnenah lehkhabu, Poster leh Pamphlet a pe bawk.
Serchhip District MJA te hian chawhnu lamah Rorel inkhawm an nei a, tlaiah kum 2010-2012 hruaitu an thlang nghal a. President-ah Lalremruata Ralte; Vice-President-ah C. Lalhminghlua leh Treasurer-ah H. Lalbiakzauvi leh Executive member 5 an thlang bawk. Serchhip District MJA Conference hi Aizawl atangin MJA Hqrs. hruaitu thenkhat ten an hmanpui bawk a. I & PR Director ho hian Serchhip DC Complex-a I & PR Office sak thar chu an tlawh bawk a ni.
A sawi zelnaah khuallian chuan chanchinbumite ram leh hnam tan an pawimawh zia hriain, ngun taka ngaihtuah anih hnuah rawtna siam a ni a. Committee dinin Amendment siamin Order pawh dawn a ni tawh a ti. He Fund-ah hian Natural Calamity MJA member ten an tawhin Committee chuan ngaihtuahin tanpuina a pe ang a. A pawisa fai (Cash) bakah natna khirhkhan ang chi pawh he fund atang hian tanpuina pek theih a ni dawn bawk a ti. Welfare Fund hi sorkar-ah Gazette-ah Rs. nuai 10 dah a, chu chu Society dinin invest ta se tih a ni, a ti. Kan ram leh hnam sorkar tan remna siamtu nih tum ila, rah tha tak a chhuah ngei ka beisei a ti a. Kan thu ziakte remna lam hawi ni thei se a ti bawk.
Khualzahawm Pu C. Lalzamlova, MJA Gen. Hqrs. Treasurer pawhin thu sawiin District hrang hrangah Press Club a awm tawh a, Serchhip District pawhin in neih ve thuai beisei ila a ti a. Press miten kan pawimawhna kan hriat thar zel a tul a, sorkar thil tih that fakin, thil tih that loh sawisel a tul a ti bawk.
Pi Lal Riliani, President, Indian Society on Tobacco & Health, Mizoram Chapter pawhin zuk leh hmuam that loh zia kawng hrang hrangin a sawi a. Serchhip District MJA te hnenah lehkhabu, Poster leh Pamphlet a pe bawk.
Serchhip District MJA te hian chawhnu lamah Rorel inkhawm an nei a, tlaiah kum 2010-2012 hruaitu an thlang nghal a. President-ah Lalremruata Ralte; Vice-President-ah C. Lalhminghlua leh Treasurer-ah H. Lalbiakzauvi leh Executive member 5 an thlang bawk. Serchhip District MJA Conference hi Aizawl atangin MJA Hqrs. hruaitu thenkhat ten an hmanpui bawk a. I & PR Director ho hian Serchhip DC Complex-a I & PR Office sak thar chu an tlawh bawk a ni.
