Tukin dar 11:00 khan Pu Lalrinliana Sailo, Health Minister chuan Champhai District Damdawi In sak thatna tur lung a phum.

Champhai District Hospital tuala lungphum na ah hian Health Minister chuan Mizoram Chief Minister Pu Lal Thanhawla pawhin Champhai Damdawi In sak thatna tur a lung phum tan a ni ta chu lawmpuina thu a sawi a ni tiin Damdawi In tualah hian pangpar huan te leh fountain te pawh siam tum a ni a ti a, a sakna hmanrua reng reng a chhia hman phal a ni lo vang a, damlo te leh thawktu leh mitin tan a ngaihthatna tlak rinawm a ni tur a ni tiin sak tirh atanga lo vilpui thin turin mipuite a ngen a ni.

Cheng vaibelchhe 26 vel a sak tur Champhai District Hospital hi nikum October vel atang khan hmalak tan a ni tawh a ni. He programme Dr. Biaksiami, Medical Superintendent kaihhruai ah hian Champhai District Bawrhsap Pu Vijay Kumar Bidhuri, District Superintendent of Police Pu Lalthanmawia leh District Chief Medical Officer Pi K.Ropari te bakah District officer leh party hruaitu engemaw zah an tel an tel a ni.

Health Minister hian Zokhawthar Border Trade hmunhma pawh a tlawh nghal a ni.