No.6442/2020-2021

Aizawl, the 4th November 2020 : Vawiin khan I & PR Minister Pu Lalruatkima hovin a Pisaah I & PR Department-a officer ten hripui darh zel venna kawnga I&PR Department hmalakna an thlir ho a. Ramri buaina chungchangah, phai chanchinbua Sawrkar thu leh hla thehdarh dan kawng hrang hrangte pawh an sawiho a ni.

I & PR Minister Pu Lalruatkima chuan hripui darh dan te a danglam chho nia a lan thu sawiin mipui inhrilhhriat leh inzirtir kawngah pawh boruak in her chho zel mila kalpui tha a tih thu a sawi a, publicity leh awareness chu tha thlah lova mar pata kan kalpui a tul zel dawn a ni, a ti. Meeting ah hian Department hmalakna hrang hrang te chu tun dinhmun thlirin a tha thawkhat a, mahse boruak a inthlak danglam reng avangin hemi mila awareness kalpui dan pawh thlak dang lam emaw tih belh emaw a tul chho dawn a ni.

Pu Lalruatkima chuan Assam nena ramri a buaina kan neih mekah Zoram mipui te inlungrualna tha kan neih zel a pawimawh thu a sawi a. He boruakah hian Zoram mipui te tanrualna te, state danga cheng Zohnahthlak te thlamuanna aw ka te, Sawrkar hmalakna mipuiin kan tawiawm thatna te hi a lawmawm hle tiin hengah te hian Sawrkar thuchhuak ngaichang zel turin mipuite a chah a ni.

Minister chuan mipui te ei leh bar lakluh kawngah chi-ai mai lo a Sawrkarin hma a lak mekna te tichak zawnga tan la zel turin mipuite a sawm a. Sorkarin ei bar leh nitin mamawh te la lut turin Tripura leh Manipur lamah te hma a la chho mek a, kawng leh lei thuam that ngai te pawh a theih ang angin chak taka thawmthat mek a nih thu a sawi a. Minister chuan Assam nena ramri chungchanga buaina kan neih mekah I & PR Minister a nihna angin mipui te thu thehdarh kawngah fimkhur tlang turin leh thuchiang lo leh rintlak lo midang te ti chi-ai thei social media lamah vawrhdarh lo turin mipui te chu a ngenin a sawm a ni. Manipur atanga Oil leh gas phur tura oil tanker 5 leh eirawngbawlna gas phur truck 3 thang mekte chu naktukah Aizawl an lo thlen beisei a nih thu pawh a sawi lang a ni. Silchar leh a chhehvela awm Mizo te chu an him vek thu sawiin boruak duhawm lo engmah a thleng lova, a tul ang angin buaipui mek niin an haw dan tur te pawh Sawrkarin a ruahman mek niin a sawi.

Pu Lalruatkima Rural Development Minister ni bawk chuan hripui leng mek avangin mitin te nitin mamawh lak khawm leh inhlawhfa chawp te tan harsatna a awm lo thei lo a, chumi tihziaawm nan thingtlanga awmte tan MGNREGS hnuaia inhlawhna November leh December ah ni 7 ve ve siam belh a nih tur thu pawh a sawi lang bawk a ni.

Meeting ah hian Secretary, I & PR Department, Pu Sangdingliana; Joint Secretary Pi Betsy Zothanpari Sailo, Director Pi Lallianpuii leh officer dangte an tel a ni.

Attachment

  • Loading attachment...