Vawiin chawhma dar 11:30 khan Mizoram Departmental Officers Association (MDOA) chuan O.B. meeting pawimawh an Vice President, Pu David L. Thangliana Office Chamber ah an nei.

He meeting hi Pu J.T Vanlalngheta, President, MDOA chuan kaihruaiin, MDOA in nasa taka a nawr angin, Mizoram sorkar chuan Departmental Officers tan IAS kai theihna post 1 (pakhat) ni thin chu post 2 (pahnih) ah a siam a, tunah chu post ah chuan Dr. Rozama chu UPSC in IAS an pek tak avangin sorkar chungah lawmthu an sawi.

August 28, 2014 hian General Body Meeting 2014 hian Tourist Lodge-ah neih an rel a, hetah hian an member 500 chuangte chu tel vek turin an beisei thu an sawi.

Meeting chuan MDOA in a lo dil tawh angin Department thenkhat officer te gazetted hnu a Seniority chhiar sak a Director post thleng harsatna awm lova kai theih dan sorkarin a siam sak chu lawmawm an ti a, Department thenkhat he rules ang siam ngai te pawh MDOA chuan nawrzui nise, an ti bawk.

Departmental Officer te stagnation nasat avanga promotion hmu theilo tan non-functional post siam anih theih nan sorkarah thlen nise, an ti a, chu bakah Departmental officer te tan Secretariat ah Addl. Secretary Post tal siam an duh thu leh sorkar hnenah dil nise tih an rel bawk a ni.