Vawiin khan Lawngtlai District Magistrate Pu J. Hmingthanmawia chuan Lawngtlai khawpui chhung kawng a lo thianghlim zawk nan leh a lo him zawk nan Section 144 Cr.Pc 1973(Act II of 1974) tlawhchhanin a hnuai a mi ang hian thupek a chhuah.
1. Lawngtlai khawpui chhungah mi tumahin kawngpui dungah in sakna bungrua leh thildang reng reng kawngpui dalin an dah tur a ni lo.
2. Lawngtlai khawpui chhungah mi tumahin kawngpui dungah tui/thli an luantir tur a ni lo.
3. Lawngtlai khawpui chhung Thingkah huam telin mi tumahin kawngpui dungah Motor an sil tur a ni lo. He hian a bik in AOC veng Tuivamit leh 7 RCC lam a huam bik.
4. Kawngsir leh Kawngpui dal thei tura in sakna leh thildang dahte chuan an senghawi vek tur a ni.
He thupek zawm lo leh ngai pawimawh lo te chu 188 IPC hmanga hrem an ni ang. He thupek hian chhuah a nih atanga thlahnih chhuang a huam ang.
