3130/2024-2025
Aizawl dated 21st November 2024: 55th International Film Festival of India, Panaji, Goa-a neih mek ah vawiin khan Information & Broadcasting Ministry hotute leh State hrang hranga Nodal Officer, Film & Tourism promotion te nen film industry tih hmasawnna tur a India Cine Hub portal hman tangkai dan tur sawi ho a ni a. Pu Sanjay Jaju , Secretary, Ministry of Information & Broadcasting chuan hun kaihruaiin India ram state hrang hranga film lam a tui mi te tih hmasawn nan India Cine Hub portal hman tangkai a tul thu a sawi.
He thutkhawmna ah hian Mizoram atangin Pi Betsy Zothanpari Sailo, Secretary, I&PR department, Pu Pratap Chhetri, Deputy Director leh Pu Hmingthanzuala, IPRO-te an tel a. State engemaw zah he portal la hmelhriat lo an awm laiin Mizoram State chu portal hmang tan thei tur a data pawimawh thehlut tawh zing ah an tel thu tarlan a ni a. IFFI hi ni 10 awh tur a ni a, hemi chhung hian film siam leh a kaihhnawih a tui mizo thalai thlanchhuah te chuan Film workshop hrang hrangah an tel dawn a ni.
