No.7638/2020-2021

Vawiin khan N. Sabual Community Hall-ah Indian Council of Agricultural Research (ICAR) Mizoram Centre, Kolasib bultumin Vawkte, Vawk chaw leh Vawk damdawi sem a ni a. He hun hi ICAR Mizoram Centre-a Scientist leh Biotech-KISAN Project Principal Investigator ni bawk Dr. Lalhruaipuii'n a kaihruai a ni.

He hunah hian ran vulhtu mi 15 hnenah Vawkte pahnih áš­heuh, vawk chaw leh damdawi engemawzat sem chhuah a ni a. Hei bakah hian Vawk vulhtute hnenah tunlai thiamna mila hlawk zawk leh tha zawka vawk an vulh theih dan turah zirtirna pek an ni nghal bawk a ni.

ICAR, Mizoram Centre hian Biotech-KISAN project hnuaiah Mamit District chhunga ran vulhtute tanpui nan leh Vawksa thianghlim tharchhuah kawnga hma kan sawn theih nan hma a la mek a. He project hnuaiah hian Vawngawnzo, Darlak leh Bawngva khuaah vawk 30 theuh sem a ni tawh bawk a ni. ICAR, Mizoram Centre hian vawk a sem tawh ho hi enkawl zuiin Vawk note leh vawksa thianghlim tharchhuak turin a vil zui zel dawn a ni.

Attachment

  • Loading attachment...