1899/2026-2027

Aizawl, 21 August 2026: Vawiin khan Office of the Principal Chief Commissioner of Customs, Kolkata Customs Zone buatsaihin, State Guest House, Aizawlah Inland Container Depot leh Land Customs Station (ICD/LCS) Feedback Sharing Committee chu a vawihnihna atan an thukhawm a. He thutkhawmah hian Union Budget 2026–27 kalphung thar leh hmasawnna hrang hrangte bawhzui dan tur sawiho a ni.

He hunah hian North-East huamchhunga insumdawntawnna awlsam zawka kalpui theih dan te, ICD leh Land Customs Station (LCS) hna thawh dan te, bungraw endik leh clearance tihfel zung zung dan te, digital connectivity, leh ramri hrula hmasawnna leh harsatna awmte sawiho a ni.

Thutkhawm zawh hian Official, Mizoram Merchant Association (MIMA) leh Shillong Customs Preventive Commissionerate aiawhte chu an inkawm zui nghal a ni.

He thutkhawmah hian Principal Chief Commissioner leh Chairperson Pu Shrawan Kumar, Principal Commissioner (Preventive, West Bengal) Pu Vinayak Azaad, Additional Commissioner Pu Gautam Kumar, Joint Commissioner Pu Parampreet Rai leh mi pawimawh dangte an tel a ni.