Vawiin chawhma dar 9:30 khan Child Development Project Officer, Serchhip District Office ah Rualbanlo te enkawl chungchanga in inzirtirna hun ‘One Day Sensitization Programme on Disability Rehabilitation’ chu National Institute for Locomotors Disabilities (NILD), North East Regional Centre (NERC) leh Social Welfare Department, Serchhip District tangkawpin a buatsaih a, Bawrhsap Dr. Lalrozama, IAS chuan khuallian niin a hman pui. 

Dr. Lalrozama chuan, thil engpawh ti ila ropui tak leh boruak lian tak siam hluai ai chuan tih tak zeta tih a, kan tum tihlawhtling tura theihtawp chhuah hi a pawimawh zawk ani a ti a. Kan zirlaite chu harsa tak angin lang mahse rilru inhawng taka kan zir chuan harsa lo te a lo ni fo thin a ni a ti. Kal khawmte chu thahnemngai taka mithiamte zirtirna ngaithla tur leh hriatthiam loh laite pawh taima tak zawt zel turin a chah. 

National Institute for Locomotors Disabilities (NILD), North East Regional Centre (NERC) ten rualbanlo te hnena hlan tura an rawn ken Wheelchair 3 chu Khuallian hian a dawng tura thlante hnenah hlan nghal a ni. 

He mi hnu hian Pi Ms Sarju Moirangthem, Lecturer cum Programme Officer (OT) NILD-NERC te,  Pi Lalmuanpuii Chawngthu, Co-ordinator, IEDSS, RMSA Serchhip te, leh Pi Laldinpuii, Clinical Assistant (MR), NILD-NERC ten thupui thlan bik hmangin kalkhawmte hi zirtirna an pe a ni. 

He hun hi Pi Vanlalhruaii, Child Development Project Officer, Serchhip in a kaihruai a, Serchhip Project hnuaia Anganwadi Worker mi 50 in he hun hi an hmang a ni.