1796/2023-2024

Aizawl, the 8th September 2023: Vawiin chawhma khan ICFAI University Mizoram Vice Chancellor thar Prof. Dr. Bijay Singh (Ex Vice Chancellor, Nilamber Pitambar University, Medini Nagar, Jharkhand) leh Dr. David Lawmzuala , Registrar chuan Governor Hari Babu Kambhampati chu Raj Bhavan-ah an hmu a. Tun dinhmunah ICFAI kalpui dan leh an hmachhawp te an sawipui.

He inkawmhonaah hian Governor chuan ICFAI University Mizoram ten course hrang hrang an zirtir mek te chu tha a tih thu a sawi a. Skill Development leh Vocational Education huangah te tan lak a ngai tih a sawi bawk.

Teaching faculty te chu tan la chhunzawm tura fuihin zirlai te hnenah state pawnlama hna hmuh theihna tura thiamna zirtir Turin a chah a ni.

Governor chuan ICFAI University Mizoram in hma a sawn zel theih nan a tul phawt chuan tanpui a inpeih reng thu a sawi bawk.

ICFAI University Mizoram hian NEP 2020 an hmang tan tawh a. Tunah hian  course hrang hrang 12 hnuaiah zirtirna an kalpui mek a. Zirlai 630 an nei mek a ni.