Information Communication Technology Minister Pu Lalthanzara hovin vawiin khan a office chamber-ah World Bank hotute nen Mizorama World Bank Project kalpui tur an sawiho.

Pu Lalthanzara chuan Mizoramah World Bank Project kalpui a ni chu lawmawm a tih thu a sawi a.Meeting-ah hian improvement of  government administrative process and quality of service delivery mechanism I Mizoram Project chungchang sawiho a ni a. Hemi atana World Bank hnuaia fund tur concept paper thehluh tawh a nih thu tarlangin project cost pumpui chu Rs.70 Crore a ni a. Ni 17 January 2014 khan Ministry of Finance, Department of Economics Affairs ah presentation pek niin tha an tih thu sawilan a ni a.Improvement of Government’s Administrative Process and Quality of Service Delivery Mechanism I Mizoram Project hi sorkar chak zawk leh mipui ten sorkar an dawrna kawng tih chak theihna tura duan a ni a, hemi rual hian component panga a awm bawk a ni.

He project hian e-governance project in a huam loh service leh component hrang hrang pawh a rawn huam vek dawn bawk a ni. E-Goveernancea citizen leh sorkar (G2C) indawrna tur tha a siam bakah he project hian sorkar inrelbawlna tha a awm thei dawn a ni.He project hi kum nga chhunga zawh tura ruahman a ni.

Meeting-ah hian Vikram K Chand, Lead Public Sector Specialist, World Bank  leh Satyendra Prasad, Sr. Governance Specialist, South  Asia Governance and Public Sector Unit, World Bank te leh Pu Lalhmachhuana, Secretary, ICT te an tel a ni.