396/2026-2027
Aizawl, May 6, 2026 : Vawiin khan Taxation Auditorium, MINECO-ah Information, Communication & Technology (ICT) Department buatsaihin Mizoram sorkar hnuaia Department hrang hrang leh zirna in te tana buatsaih “Government Online Excellence Awards, 2025” sem a ni a. ICT Minister Dr. Vanlalthlana chu khuallian niin Award te hi a sem a ni.
Khuallian Dr. Vanlalthlana chuan innovation leh mipui rawngbawlna lama official te thawh rah lawmna hun pawimawh tak an hmang thei chu lawmawm a tih thu a sawi a. IT hmasawnna avanga mipuiin awlsam zawka tui, electric leh phone bill te an pek theih tawh thu sawiin, mipuite awlsamna tura online service pek chhuah kawngah an huang zauh zel turin kalkhawmte a chah a ni. ICT hmalaknain Mizoramah Artificial Intelligence Center of Excellence (AI-CoE) din tura proposal siam a nih tawh thu leh District zawng zawnga Mobile/Internet connectivity tha a awm theih nan Mizoram Fibre Grid Network thawh mek a nih thu Minister chuan a sawi bawk.
Dr. YLN Reddy, IAS, ICT Secretary chuan kalkhawmte lawmna thu sawiin, ICT Minister hmalakna hnuaiah Mizoram chu ‘Digitally Empowered’ state-ah a chang mek a, sorkar department leh office-ten IT an hman tangkai chho mek hi a lawmawm hle a ni, a ti.
Pu James Lalnunmawia, Chief Informatics Officer (CIO) chuan technical report a pe a, he award Gartner Maturity Model leh sorkar duan Web Monitoring System hmanga guidelines fel tak neia thlan an nih thu a sawi.
Government Online Excellence Awards dawngtu tur thlangtu Selection Committee leh Technical Evaluation Committee te siam niin, hengah hian ICT technical expert mai bakah MZU, NIC leh NIELIT te atangin expert an tel a. Official Departmental Website ah website 160 endik niin, Educational Institution Website atan hian website 50 endik an ni.
Endik zing atang hian Top 10 te hnenah lawmman hi hlan an ni a, pakhatna atanga pathumna te hi Citation leh Momento pek theuh an ni a, palina atanga sawmna te hian Citation an dawng theuh bawk a ni. Hengte hi Government Online Excellence Awards, 2025 lawmman latu te chu an ni.
Rank | Official Department Website: |
1 | Personnel & Administrative Reforms |
2 | Land Revenue & Settlement |
2 | Mizoram Information Commission |
3 | Forensic Science Laboratory |
3 | State Council of Educational Research & Training |
4 | Transport |
5 | Fisheries |
6 | MPSC |
7 | Labour Employment, Skill Development and Entrepreneurship |
8 | Finance |
8 | Sports & Youth Services |
9 | Food, Civil Supplies & Consumer Affairs |
10 | Excise & Narcotics |
Rank | Educational Institution Website: |
1 | Govt. Hrangbana College |
2 | Govt. J. Buana College, Lunglei |
3 | Govt. Aizawl College |
4 | Regional Institute of Paramedical & Nursing Sciences |
5 | Govt. J. Thankima College |
6 | State Institute of Rural Development & Panchayati Raj |
7 | Govt. Khawzawl College |
8 | Govt. Zirtiri Res. Science College |
9 | Pachhunga University College |
10 | DIET,Saiha |
Award hlanna hun zawhah hian Pi Pinky Zosangpuii, Joint Secretary, ICT Department chuan kalkhawmte hnenah lawmthu a sawi a, programme hi titawp a ni.
Attachment
- Loading attachment...
