396/2026-2027

Dated Aizawl, the 6th May, 2026: Vawiin khan Aijal Club, Aizawl-ah Watershed Development Component-Pradhan Mantri Krishi Sinchayee Yojana 2.0(WCD-PMKSY 2.0) conference neih a ni a. Rural Development and Administration Department changtu Minister Prof. Lalnilawma chu khuallian a ni.

Minister Prof Lalnilawma chuan PMKSY 2.0 chu September thleng pawh sei a ni a, a tawp tha taka an khar theih nan officer leh staff te tan la tur leh, an hmabak PMKSY 3.0 pawh mipui leh ram tana rotling thlentu a nih theih nan uluk lehzuala rilru seng turin a fuih. Sawrkar hmalaknaten rah tha zawk an chhuah theih nan Department dangte nena thawh ho a pawimawh thu Minister chuan sawi a; Department chhunga scheme hrang hrang an thawk a nih pawhin, sawt zawka hna thawk thei turin Department dangte nena thawhhona convergence felfai taka neih a pawimawh thu a sawi a ni. PMKSY chu kan ram tui hna tihpun nan te, chhiatrupna thleng thei laka kan him zawk nan pawh a pawimawh thu a sawi bawk. Minister Prof Lalnilawma chuan inkhawmpui chhimtu zawng zawngte chibai bukin, Mizoram mipuite hmasawn nan lungrual taka, pheikhai ruala, thahnemngai taka thawkho zel turin kalkhawmte a fuih a ni.

Vawiin programme hi chawhma leh chawhnu huna then niin, a then khatna hi Rural Development Additional Secretary Pu V. Lalengmawia’n a kaihruai a. Kalkhawmte lawmna thu a sawi. Pu K. Lalrohlua, Director, Rural Development chuan an hnathawh dan leh hmalakna hrang hrangte chipchiar takin a sawi a ni. WDC-PMKSY hmalakna hrang hrang thlirho niin, Award semna hun hman a ni bawk a. Award dawngtute chu:-

PMKSY Award lawman dawngtu te chu:-

1. BEST PROJECT IMPLEMMENTING AGENCY (PIA)

i) Project Director, DRDO, KHAWZAWL-1
ii) Project Director, DRDO, SIAHA-1

2. BEST SUBJECT MATTER SPECIALIST (SMS)

1) H.LALNUNSANGA, KHAWZAWL DISTRICT

ii) SANGNUNMAWIA, LUNGLEI DISTRICT

3. BEST ACCOUNTANT

1) ROLUAHPUII, HNAHTHIAL DISTRICT

ii) LALHMACHHUANA SAILO, MAMIT DISTRICT

4. BEST DATA ENTRY OPERATOR (DEO)

1) LALTHAZELI RENTHLEI, KOLASIB DISTRICT

i) LALHNUNA, MAMIT DISTRICT

5. BEST WATERSHED DEVELOPMENT TEAM (WDT)

1) TBC ROLUAHPUIA, KOLASIB-II PROJECT

ii) C. LALHMINGLIANI, MAMIT-1 PROJECT

iii) LALMUANPUIA, MAMIT-1 PROJECT

JAN-BHAGIDARI CUP (J. CUP)

1st POSITION: LUNGLEI-I PROJECT-BDO, Lunglei-Mausen, Haulawng, Mualthuam 'N' Rs. 5,00,000/-

2nd POSITION: HNAHTHIAL-I PROJECT-Project Director-Tarpho, Khawhri, 'S' Chawngtui-Rs. 3,00,000/-

3rd POSITION: LUNGLEI-II PROJECT-Project Director - 'S' Lungdai, Serte, Sertlangpui - Rs. 2,00,000/-

4th POSITION: KOLASIB-I PROJECT-BDO, Thingdawl-Thingdawl-Rs. 1,00,000/-

5th POSITION: SERCHHIP-IPROJECT -Project Director- 'N' Vanlaiphai, Lungkawlh-Rs. 1,00,000/-

5th POSTION: LAWNGTLAI-III PROJECT-BDO, Bungtlang 'S' -Hmunnuam, Bungtlang 'S', 'M' Kawnpui - Rs. 1,00,000/-

District leh Project hrang hrang ten WDC-PMKSY hnuaia an tharchhuah leh hmalakna Exhibition neih zui nghal niin, Minister hian stall te a tlawh a. He exhibition-ah hian WDC-PMKSY hnuaia hmalakna peng pakhat - Horticulture Development hnuaia thlai tharchhuah te; mimal tanpuina dawngtuten thiam thil an siam chi hrang hrang te bakah thlai thar sawngbawl (process) hnua an thil siam chhuah te pholan a ni.

WDC-PMKSY hian a tuam chin Project-ah ram leh leilung luangral tur ven leh humhalh te a thawk ber a. Hemi atan hian Natural Resource Management (NRM) chu kalpui niin Major Activity hrang hrang heng - Land Development, Soil & Moisture Conservation leh Water Harvesting Structure te hi kalpui a ni. Land Development hnuaiah hian Afforestation, Horticulture Development-te a hmalak a ni a; Boil & Moisture Conservation hnuaiah hian Terrace, Contour, Dunding, Checkdam leh Wet Rice Cultivation (WRC) siam hna te leh remchang dangte kalpui a ni bawk.

Water Harvesting Structure hnuaiah hian tuilakna leh dahkhawlna te, Percolation Tank leh Farm Pond te siam thin a ni a. Chumi atan chuan Programme/Scheme dang te nen pawh kalkawp tir (converge) thin a ni bawk. WDC-PMKSY 2.0 hian Springshed Development a hrut tel avangin NRM hnuaiah hian Springshed Development atana pawimawh hrang hrang Soil & Water Conservation activity nasa leh zuala kalpui a ni a. Recharge Zone-te zirchianna recharge structure hrang hrang siam thin a ni.

Project tuam chin khuaa mite zingah mi chhumchhia leh hmeithai, eizawnna mumal nei lote eizawnna tur ruahmanna Livelihood for Assetless leh Production System && Micro-enterprise a awm bawk a. Hengte hi Self Help Group leh mimal tanpuina anga kalpul a ni a, hmalakna tlangpui hi Poultry, Piggery, Petty Trade, Handicraft, Tinsmithy, Blacksmithy, Tailoring, Carpentry, Animal rearing leh a dang remchangahte hmalak a ni. Heng hmalakna reng reng hi village level-a Committee (Watershed Committee) emaw Gram Sabha kaltlanga thlan thin a ni. Institution & Capacity Building (I & CB ) hnuaiah hian project hnathawh kawng hrang hranga hmasawnna tur leh zirtirna pek ngai training kalpui thin a ni a. Heng training-te hi NIRD & PR leh SIRD & PR-ah te, KVK leh Institution dang remchangahte kalpui a ni a, SLNA leh DWCDC ten training hi an pe thin bawk.

Chawhnu lamah hian Business Session-a hun hman niin RD Joint Director Pi PC Zonuntluangi chuan kaihhruaiin Pu K. Lalrohlua, Director, Rural Development chuan thu a sawi a. WDC-PMKSY hnuaia hmalakna hrang hrang sawiho niin District tina Subject matter Specialist ten an district theuha 'Success Story' tarlarnna hun an hmang a. Business Session-ah hian hnathawh kawnga hmasawn zel dan tur ruahmanna hrang hrang bakah Service Matter-te sawiho niin Pu Lalthakima, Deputy Director, Rural Development chuan lawmthu sawiin Confenrece hi an tiak a ni.