No.1671/2020-2021

Vawiin ni 4.6.2020 hian MINECO Conference Hall-ah Mizoram Youth Commission-in a siam mek Job Portal chu ICT Minister Pu Robert Romawia Royte hoin thlir ho a ni.

ICT Minister chuan Mizoram mamawh tak hnathawktu, mamawhtute leh hna zawngtute hman tangkai tur Job Portal siam mek chu lawmawm a tih thu sawiin Mizoram-ah lehkha thiamlo hnathawh tur hmu si lo te tan ruahmanna siam a pawimawh thu a sawi. Pu Robert Romawia Royte chuan he portal pawimawh tak siam tura Mizo Firm ngei rawih a nih avang pawhin lawmthu a sawi.

He meeting-ah hian Dr. Vanlaltanpuia, MLA, Chairman, Mizoram Youth Commission bakah ICT Department aiawhte, Planning Department aiawh leh LESDE Department aiawh te an tel a, he portal siamtu ten power point presentation hmangin Portal nihphungte an entir a, kalkhawm ten rawtna telh belh tur hrang hrang an pe bawk.