Vawiin khan I & PR Auditorium-ah Mizoram State AIDS Control Society chuan Mizoram chhunga Integrated Counseling & Testing Centre 25 hnathawh an thlirlet a. He hun hi Pu Lalrinliana Sailo, Health Minister leh Chairman, Governing Body, MSACS ni bawk chuan a hmanpui.
Health Minister Pu Lalrinliana chuan thusawiin nasa taka ICTC lama an thawh avangin kalkhawmte chungah lawmthu a sawi a. Kum 2009 - 2010 chhung hian HIV/AIDS dona kawngah ‘Change’ kan siam ngei tur a ni a ti. Minister chuan a tul chuan Legislator Forum on HIV/AIDS te hmang tangkaia fund te pawh a tul anga la ngaihtuah a ni ang a ti. Minister chuan tun aia nasa zawk hian tan tlan a, inpekna nena beih a ngai a, a tul dang chu sorkar-in a ngaihtuah ang a ti.
He hun hruaitu Dr. K. Ropari, Project Director, MSACS chuan Review Meeting tun kum chhunga an neih vawi 2 na a nih thu te tarlangin ICTC Centre chu AIDS dona tura service pawimawh ber zing ami a nih thu te sawiin mi tam zawkin ICTC pan nachang an hriatna tura tanlak a tul a ni a ti.
Pu Lallianzuala, Consultant (UNICEF) chuan kum 2008 - 2009 chhunga ICTC dinhmun khaikhawmna report a pe a, a report-in a tarlan dan chuan HIV hrik kai za a 60 - 70 inkar vel hian HIV kai an ni tih an inhriat loh thu a sawi a, HIV positive te tana enkawlna pawimawh Anti-Retroviral-Treatment (ART) hi HIV hrik kai ni a inhria za a 50 deuh thaw in an la dawng lo a ni tih te, kum 2008 - 2009 chhung hian raipuar 13935 test an ni a, high risk group leh midang 18361, a vaiin mi 32296 test an ni a. HIV leh TB kaikawp mi 174 hmuhchhuah an nih thu te, hmeichhe HIV pai nau nei 53 te zinga 52 chu naute HIV laka venna damdawi Nevirapine pek an nih thu te a sawi bawk. HIV Counseling & Testing Centre hi Mizoram chhungah 24 an awm a, Mobile Unit pakhat a awm bawk. 24 Hrs. PHC zawng zawngah HIV/AIDS test theih a nih thu te, Aizawla Private Hospital 7 - Greenwood, Nazareth, Aizawl Hospital, Bethesda, 7th Day Hospital, Grace Hospital-ah te hian HIV/AIDS Counseling & Testing hi neih theih a ni bawk.
Opening session-ah Dr. Zosanga, Dy. Director, NSACS chuan lawmthu a sawi a. Centre-wise report nilengin neih chhuhzawm nghal a ni. He meeting-ah hian ICTC 25 atangin Doctor leh Counselors an tel a ni.
He hun hruaitu Dr. K. Ropari, Project Director, MSACS chuan Review Meeting tun kum chhunga an neih vawi 2 na a nih thu te tarlangin ICTC Centre chu AIDS dona tura service pawimawh ber zing ami a nih thu te sawiin mi tam zawkin ICTC pan nachang an hriatna tura tanlak a tul a ni a ti.
Pu Lallianzuala, Consultant (UNICEF) chuan kum 2008 - 2009 chhunga ICTC dinhmun khaikhawmna report a pe a, a report-in a tarlan dan chuan HIV hrik kai za a 60 - 70 inkar vel hian HIV kai an ni tih an inhriat loh thu a sawi a, HIV positive te tana enkawlna pawimawh Anti-Retroviral-Treatment (ART) hi HIV hrik kai ni a inhria za a 50 deuh thaw in an la dawng lo a ni tih te, kum 2008 - 2009 chhung hian raipuar 13935 test an ni a, high risk group leh midang 18361, a vaiin mi 32296 test an ni a. HIV leh TB kaikawp mi 174 hmuhchhuah an nih thu te, hmeichhe HIV pai nau nei 53 te zinga 52 chu naute HIV laka venna damdawi Nevirapine pek an nih thu te a sawi bawk. HIV Counseling & Testing Centre hi Mizoram chhungah 24 an awm a, Mobile Unit pakhat a awm bawk. 24 Hrs. PHC zawng zawngah HIV/AIDS test theih a nih thu te, Aizawla Private Hospital 7 - Greenwood, Nazareth, Aizawl Hospital, Bethesda, 7th Day Hospital, Grace Hospital-ah te hian HIV/AIDS Counseling & Testing hi neih theih a ni bawk.
Opening session-ah Dr. Zosanga, Dy. Director, NSACS chuan lawmthu a sawi a. Centre-wise report nilengin neih chhuhzawm nghal a ni. He meeting-ah hian ICTC 25 atangin Doctor leh Counselors an tel a ni.
