Nizan khan Assembly Speaker Pu R.Romawia chuan MLA te tan Tourist Lodge-ah zanriah a buatsaih sak a. Budget session neih chhunga House chhung boruak tha tak avangin Member te chungah lawmthu a sawi

Zanriah kilho hmaa inkhawm tawite neihah House Leader Pu Lal Thanhawla chuan thu sawiin tun hma atanga Speaker ten kalphunga an lo neih zawma Pu Romawia’n State Legislative Assembly Budget session neih zawha Member te tan zanriah  a buatsaih sak chu Member te aiawhin lawmthu a sawi a. Hun reilote chhunga session a kaihhruai danah Speaker chu House zahawmna kengkawh tha a tih thu sawiin ram rorelna In sang ber zahawmna vawnghim turin Member zawng zawng te chu Speaker tawiawm turin a ngen bawk a ni.

Speaker zanriah buatsaihah hian Chief Minister Pu Lal Thanhawla te nupa leh Minister dangte bakah MLA te leh Board Chairmen te an tel tha hle a ni.