Vawiin khan Inclusive Education (IE) Teacher te tana training buatsaih chu Block Resource Centre, Chhinga Vengah neih a ni a. District Project Coordinatior Pi Zoliani Hnamte chuan training hi a hawng a ni.

Pi Zoliani Hnamte chuan training neih a nih chhan sawiin Children With Special Needs (CWSN) a IE Volunteer te chu sum lam indaihlohna avangin rawih chhunzawm theih an ni ta lova, an aiawh turin School tin-ah Zirtirtu ruat bik an ni a, hengte tan hian a bika training buatsaih a ni, a ti a. India Sawrkarin a ngaih pawimawh em em chu naupangte’n zirna tha tak an dawn theih hi a ni tiin zirtirtute chu naupangte’n eizawnna tha an hmuh theihna tur piahlamah khawtlang tana mi pawimawh ni tura chher chhuak ngei turin a fuih a ni.

Universalization of Education hmangin naupang zawng zawngte’n lehkha an zir ngei ngei theihna turin sawrkar chuan hma a la a. He dan hnuaiah hian naupang tumah Zirna kawngah hmaihthelh lo tura tih niin rualbanlote pawh a huam vek a. Heng naupang (children with special needs) te’n zirlai an thiam theihna tura kawng zawnsak leh puih chu IE zirtirtute mawhphurhna a ni.

Ni hnih awh tur training hawnna inkhawm hi BRC Coordinator Pu H.Vanlalhruaia’n a kaihruai a ni.