Vawiin chawhnu dar 2:00 khan “ Know Judiciary and the Role of Media “ tih thupui hmangin Court Room No.1, District Court, Saiha-ah District Legal Service Authority, Saiha District ten MJA, Saiha District te tan Seminar an buatsaih a ni.

He Seminar hi Dr. HTC Lalrinchhana, Secretary, District Legal Service Authority, Saiha chuan a kaihruai a, Seminar neih anih chhan leh sawihawnna bakah kalkhawmte lawmna thu tawi a sawi. Pu T. Lalhmachhuana MJS, Civil Judge-Cum-Judicial Magistrate First Class, Saiha chuan “Civil leh Criminal Court kalphung tlangpui” tih thupui hmangin paper a present a. Pi S. Ngotlia, Advocate pawhin “Ukil/Advocate te hnawthawh leh kalphung” tih thupui hmangin paper a present bawk. “Sawrkar ukil (APP/AGA) hnathawh leh kalphung” tih thupui hmangin Pu FC Khihnia, Assistant Public prosecutoer/Assistant Government Advocate, District Court, Saiha chuan paper a present a. “Mirethei te Ukil (Legal Aid Counsel) hnathawh leh kalphung” tih thupui hmangin Pu JS Beizawzilai, Legal Aid Counsel, District Court, Saiha chuan paper a present bawk. Pu Vabeirona Hlychho, VPLV, District Court, Saiha pawhin “Para Legal Volunteer (PLV) te hnathawh leh kalphung” tih thupui hmangin paper a present bawk. “Police hnena thubuai thlen dan leh thubuai kalpui dan” tih thupui hmangin Pu Fancis Lalnuntluanga Ralte MPS, Additional S.P., Saiha District Saiha chuan paper a present a. Dr HTC Lalrinchhana MJS, Chief Judicial Magistrate-cum-Senior Civil Judge chuan “Chanchinbu mite leh ram dan”tih thupui hmangin paper a present bawk a ni.

Huamzau taka sawihona leh zawhna leh chhanna hun te neih a ni a, Seminar ah hian Saiha khawpui chhunga thuthar thehdarh tute an tel kim hle a ni. Pu CZ Hluna, PLV, District Court, Saiha chuan lawmthu sawina neiin he Seminar hi a titawp a ni.

Naktuk Dt 9.9.2014 leh naktip Dt 10.9.2014 ah hian ECM Higher Secondary, School Saiha-ah leh Elim Public School, Saiha ah te “Legal Protection and Duties of Citizenry” tih thupui hmangin Seminar hi neih chhun zawm leh tur a ni a, “Computer leh a kaihhnawih hmanga pawikhawihna” tih leh “Mipat hmeichhiat rawngkai khuahkhirhna Dan” tih thupui hmangin mithiam ten paper an present ang.