Nimin (29.6.2018) khan 2017 batch Indian Economic Service (IES) Officer Trainee 15-te chuan Mizoram Governor Pu Kummanam Rajsekharan chu Raj Bhavan-ah inkawmna hun an hmanpui a ni.

Mizoram Governor chuan IES Officer Trainee-te chu mirethei leh harsaten lei rem an lo rah theih nan leh dinhmun tha zawk a an lo chuan kai theih nan  theihtawp chhuaha thawk fo turin a chah a. Sawrkar inrelbawlna leh hmasawnna in a khawih phak loh mi harsate dinchhuah dan tur ngaihtuaha, an khawsak dinhmun chawikawn ruala an thiamnate chhawr tangkai thiam turin a chah bawk a ni.

Trainee-te chuan khawtlang inrelbawl dante, hmeichhia leh mipa intluktlannate leh Mizoram Gross State Domestic Product (GSDP) tha tak te chu ngaihsan tlak a nih thu an sawi a. Sawrkarin mipui mimir database a neih chu tha an tih thu sawiin, India ram hmundanga an tih dan ngailo in BPL survey an kalpui a, chu chu zirchiana ramdangte entawn tura phochhuah tlak a nih thu an sawi a ni. Sawrkar flagship programme New Economic Development Policy (NEDP) leh Entrepreneurship Development Scheme (EDS) chungchanga presentation an thlirho thute an sawi bawk a ni. 

Officer Trainee rualte hi Administrative Training Institute (ATI) Joint Director leh Nodal Officer ni bawk Pi Angela Zothanpuii’n a tawiawm a ni.