Vawiin khan Kolasib DRO Office ah National Statistics Day vawi 12 na hman a ni.

He hunah hian Khuallian Dr. Arun T, IAS chuan Statistics Pawimawh thu sawiin tunlai khawvel ah thil engkim mai hi a rintlak leh tlakloh chu Statistics hmanga teh ani deuh vek tawh a, a bikin Sawrkar inrelbawlna kawngah Statistics chu a pawimawh viau ani tiin Suahsual rawngbawlna tehfung (crime rate) te, hriselna kawnga mahni ram dinhmun hriatchian nan (health indicators) te leh kawng hrang hrangah Statistics hi tehfung a tana thil pawimawh ber pakhat ani a ti. Hemi a nih avang hian mipuite laka Sawrkarin a bat chu kawng hrang hranga ram dinhmun chu mipuite hriat a tan Statistics felfai leh rintlak (Quality Assurance in Official Statistics) a pe chhuak tur ani tiin hemi hna pawimawh tak hlenchhuak tur hian District Research Office chu theihtawp chhuah chhunzawm zel turin a sawm a ni.

He hun hi DRO Pi H.Lalremmawii'n a kaihruai a, Pu F.Lalhmunsiama Associate Professor , Govt. Kolasib College chuan kumina National Statistics day thupui "Quality Assurance in Official Statistics" hmangin ziritrna a pe a, Pi H.Zomawii , Inspector, Economics & Statistics chuan lawmthu sawina in hun a khar a ni.