Inspector General Assam Rifles(IGAR), East, Silchar bul Masimpur-a hmunpui nei chuan an kum khat tlin lawmna chikhat atan vawiin khan an hnuaia awm Assam Rifles Battallion hrang hrang ten Mizoram, Tripura leh Assam chhim-a hmun engemaw zata Thisen Pek Runpui an buatsaih. Aizawl-ah chuan 26 Assam Rifles ten an Unit Hospital-ah Thisen Pek Runpui hi an buatsaih a ni. IGAR(East) hmunpui Masimpur, a vawiina programme neih ah hian sipai 85 vel in thisen an pe a, an hotulu ber Major General Satish Dua, Sena Medal, Inspector General Assam Rifles (East) chuan thisen a pe hmasa ber a ni.

Vawiin vek khan IGAR (East) chuan an hmunpui Silchar bul Masimpur-ah Assam Rifles sipai pension tawh tan Ex-Serviceman Rally leh mahni pasal sun tawh hmeithai ‘War Widows’ te tan Veer Nari programme an buatsaih a. Heng programme te hi Major General Satish Dua in a hmanpui a, pension leh facilities chungchangah harsatna hrang hrang an tawh te ex-servicemen leh hmeithai te hian an thlen a, an harsatna te sutkian nan chak taka hma lak a nih tur thu Inspector General hian a sawi a ni.