Indian Institute of Mass Communication (IIMC), Aizawl Centre chuan second semester final examination nei zovin tluang takin kum 2011-2011 academic session chu a zo fel ta a. Delhi leh India ram hmun hrang hrang atangin Senior Professors leh Media expert-te’n an thutchilh deuh reng a, kum khat chhungin he Institute hian hmuh theiha hmasawnin a changtlung chho zel a ni. First batch-a zirlai pasarihte chuan India rama Media organisation hmingtha tak takah internship tihna tur an hmu vek a, chung zingah chuan Hindustan Times, Calcutta, Deccan Chronicle, Hyderabad, Herald, Panjim leh Doordarshan Kendra, Aizawl-te a tel a ni.

Hetianga zirlaiten hlawhtlinna an neih hi IIMC, Aizawl Centre-in English Journalism-a PG Diploma course a pek rintlak zia tilang tu a ni a. He course-in a tum chu zirlaite media field hrang hrang print, television leh new media journalism-a thawk thei tura thuam a ni.

Tunah hian IIMC hian kum 2012-2013 session-a course hrang hrang zir duhte tan dilna a hawng mek a. Delhi, Dhenkanal, Aizawl leh Amravati a centre hawn tawhte bakah hian kumin atangin Jammu leh Kottayam, Kerala-ah te centre hawn belh a ni dawn a. Tunah hian training course hi English Journalism, Radio and Television journalism, Hindi Journalism, Oriya journalism leh Advertising and Public Relations-ah te pek a ni a.

Dilna thehluh theih ni hnuhnung ber chu April 20, 2012 a ni. Extrance exam hi ni 21.04. 2012 khian India rama centre hrang hrangah neih a ni dawn a, IIMC Aizawl ah pawh pek theih a ni dawn a. Hrechiang duh tan www.iimc.nic.in ah enfiah theih a ni.