948/2023-2024

Aizawl, the 27^th June 2023: Vawiin tlai khan Governor Dr Hari Babu Kambhampati chuan Indian Institute of Mass Communication(IIMC), North Eastern Regional Campus,MZU, Aizawl  a zirlaite leh zirtirtute Raj Bhavan-ah a kawm.

Governor Dr Hari Babu Kambhampati chuan a IIMC zirlaite hnenah hian tunlai khawvela Media pawimawh leh a tangkaina te a sawi a. Journalism, advertising, content creation, public relations leh a kaihnawih thil dang te hmanga mipui kaihruai chungchang te, thudik puanchhuah kawngah media pawimawhna bakah New media chungchang te a sawipui a ni. Governor chuan IIMC zirlaite chu Mizoram an hmuh dan te zawtin Mizoramah khualzin tam zawk hip a nih theih na tura thil pawimawh nia an hriat te a zawt a. Mizoramah central sawrkar hnuaia scheme tha tak tak te mipui tam zawkin an hriatloh thu leh social security scheme tam tak an la hriat loh thu sawiin hemi huangah hian an ngaihtuahna seng turin Media lama zirlai an nih angin a sawm bawk a ni.

Governor leh Lady Governor Dr Jayashree Kambhampati te nena inkawmnaah hian IIMC lam atang hian zirtirtu te leh zirlai 31 an rawn tel a. Tunah hian IIMC NER Campus-ah hian Digital Media Course zirlai mi 16 leh English Journalism Couse zirlai mi 16 an awm mek a ni.

Indian Institute of Mass Communication(IIMC), North Eastern Regional Campus chu Mizoram University (MZU) Campus-ah kum 2011 August 8  atang khan kalpui tan a ni a. Tunah hian Pu LR Sailo, Regional Director, zirtirtute leh staff ten IIMC, NER Campus hi an enkawl mek a . IIMC hnuaia zirchhuak te hi tun thlengin campus interview, IIMC, Delhi kaltlangin hna an la hmu vek a ni.