32nd India International Trade Fair 2012, Pragati Maidan, New Delhi a neih chu 14.11.2012 dar 11:00 a.m khan India President Shri Pranab Mukherjee in a hawng a, Mizoram pavilion hall no 16 pawh Pu P.C. Lallawmsanga IPS, Principal Secretary, Industries Department in ribbon chep chatin a hawng bawk a ni.

Mizoram pavilion hawnna hi Pu Haukhum Hauzel, Secretary, State Planning Board in a hmanpui a, Mizoram atanga thil siam chi hrang hrang entrepreneur 16 te zawrh pawh uluk takin an fang a, entrepreneurs leh fair guide te Mizoram aiawhtu an nih zia hre reng chunga taima taka an mawhphurhnate hlenchhuak turin Principal Secretary chuan a fuih a ni.

Hun chep leh tepter taka inpuahchahna tha thawkhatin an lang a, state te deuh a bikin North East state zingah chuan thil zawrh chhuah tur pawh Mizoram chuan kan ngah zawk ni a hriat a ni bawk.