Vawiin khan I & PR Auditorium, Aizawl-ah ZOPPEN Club (International) leh Mizo Department, Mizoram University te tangkawpin an buatsaih National Seminar on Mizo Drama & Theatre hawnna inkhawm neih a ni. He National Seminar sponsor tu Central Institute of Indian Languages (CIIL) aiawha lokal Prof. Kedutso Kapfo hi Moral Booster Award ZOPPEN Club in a hlan a ni.

Hawnna inkhawm hi seminar Director, Prof. Laltluangliana Khiangte, Principal Senate of Serampore in a kaihruai a, Pi Khawlkungi leh Pu Lalthangfala Sailo (Padma Shri Awardee ve ve) ten an telpui a, Pi Khawlkungi hian exhibition a hawn bakah a hnuaia lehkhabute hi an tlangzarh nghal.

1) A short History of Mizo Drama (English) - Prof. Laltluangliana Khiangte

2) Chantual Ennawm II - Prof. Laltluangliana Khiangte

3) Mizotawng zirzauna bu thar - Prof. Laltluangliana Khiangte

4) Hming - A awmzia leh a tobul - Isaac Hnamte

5) A Fireside Grammar - Isaac Hnamte

6) King Lear (Mizo) - Trans. by Nununa Renthlei

Chawhnu lamah seminar neih chhunzawm a ni a, Dr. H. Lallungmuana’n kaihruaiin Dr. Margaret Pachuau, C. Lalawmpuia Vanchiau, Vanlalchami, Darchuailova Renthlei leh Prof. Laltluangliana Khiangte te paper chhiar ngaihthlak a ni. Seminar hi naktukah chhunzawm leh a ni ang a, chawhnu dar 2:00 ah kharna inkhawm neih a ni ang.